हाम्राे बारेमा
नेपालकाे संविधान २०१९ अनुसार नेपाल लाई १४ अञ्चल ७५ जिल्ला ५ विकाश क्षेत्रमा विभाजन गरियाे । स्थानिय प्रशासनलाई विकेन्द्रित प्रशासन अनुरुप संचालन गर्न तथा शान्ति व्यवस्थालाई प्रभावकारी रुपमा संचालन गर्न स्थानीय प्रशासन ऐन २०२८ लागु गरियाे । स्थानीय प्रशासन ऐन काे दफा ५ ले जिल्लाकाे सामान्य प्रशासन संचालन गर्न प्रत्येक जिल्लामा जिल्ला प्रशासन कार्यालय रहने व्यवस्था गरे अनुसार माेरङ्ग जिल्लामा पनि जिल्ला प्रशासन कार्यालयकाे स्थापना भएकाे हाे ।सार्वजनिक सेवा प्रवाहलाई सरल र सहज तरिकाले तथा जनताकाे नजिकमा रहेर वितरण गर्न नेपाल सरकार गृह मन्त्रालय अन्तर्गत जिल्ला प्रशासन कार्यालय माेरङ्ग काे प्रत्यक्ष निर्देशन र नियन्त्रणमा मिति २०४७ साल देखि ईलाका प्रशासन कार्याल रंगेली माेरङ्ग काे स्थापना भएकाे पाइन्छ । प्रमुख जिल्ला अधिकारीकाे प्रत्यायाेजित अधिकार प्रयाेग गरी कार्य सम्पादन गर्ने निकायकाे रुपमा इलाका प्रशासन कार्यालय रंगेली रहेकाे छ । इलाका प्रशासन कार्यालय हाल रंगेली नगरपालिका वडा नं ७ मा अवस्थित रहेकाे छ ।
१) बंशजको आधारमा नागरिकता जारी गर्ने ।
२) बैवाहिक अंगिकृत नागरिकता जारी गर्ने ।
३) नागरिकताको प्रतिलिपि जारी गर्ने ।
४) नाबालक परिचयपत्र जारी गर्ने ।
५) जातजाती प्रमाणित गर्ने ।
६) शान्ती सुव्यवस्था कायम गर्ने समन्वय तथा सहजीकरण गर्ने ।
७) अनुगमन सम्बन्धी कार्य गर्ने ।
८) प्रमुख जिल्ला अधिकारी तथा जिल्ला प्रशासन कार्यालयबाट निर्देशन बमोजिमका अन्य कार्यहरु ।